အခမဲ့ အလွယ်တကူ ဆက်သွယ်မှုပြုလုပ်နိုင်သည့် ကမ္ဘာ့ထိပ်တန်း အက်ပလီကေးရှင်းတစ်ခုဖြစ်သည့် Rakuten Viber မှ အသုံးပြူသူများ၏ အရေးကြီး လုပ်ဆောင်မှုများနှင့် လုပ်ဆောင်ချက် သတိပေးချက်များအား အဆက်မပြတ် ခြေရာခံနိုင်ရန် “My Notes” ဟုခေါ်သည့် လုပ်ဆောင်ချက်အသစ်အား မိတ်ဆက်ပေးခဲ့သည်။ အသုံးပြုသူများ၏ ကိုယ်ရေးကိုယ်တာအချက်အလက်လုံခြုံမှုအား အဓိကအလေးထားပြီး အသုံးပြုရလွယ်ကူသော အပ်ပလီကေးရှင်းတွင် အသစ်မိတ်ဆက်လိုက်သည့် အဆိုပါ လုပ်ဆောင်ချက်အသစ်သည် အသုံးပြုသူများ၏ မက်ဆေ့ချ်များနှင့် သတိပေးချက်များအား အဆက်မပြတ် ခြေရာခံနိုင်ရန်အတွက် ဖြစ်သည်။ ထိုလုပ်ဆောင်ချက်အသစ်သည် ယခုအချိန်မြန်မာနိုင်ငံသားများအနေဖြင့် COVID 19 ကပ်ရောဂါအား အားကြိုးမန်တက်တိုက်ထုတ်နေစဉ် မိမိတို့လုပ်ဆောင်ရမည့် လုပ်ငန်းတာဝန်ဝတ္တရားများအား အချိန်မီ ပြီးမြောက်‌စေရန် အထောက်အကူပြု သတိပေးနိုင်သည့် လုပ်ဆောင်ချက်တစ်ခုဖြစ်ပါသည်။

လက်ရှိတစ်ကမ္ဘာလုံးကြုံတွေ့နေရသည့် ကမ္ဘာလုံးဆိုင်ရာကပ်ရောဂါသည် နေ့စဉ်အရှိန်အဟုန်မြှင့်တက်လာသည်နှင့်အမျှ လူအများစု၏ ကိုယ်ပိုင်အချိန်ဇယားများသည် ဤကပ်ရောဂါကြောင့် ယခင်ထက်ပို၍ရှုပ်ထွေးပြီး လုပ်ရကိုင်ရခက်ခဲနေချိန်တွင် မိမိ၏ တစ်နေ့တာလုပ်ဆောင်ရန်အချက်အလက်များနှင့် သတိပေးချက်များ မှတ်သားရန် အလွန်ပင်အရေးကြီးသည်။ ဥပမာ – မွေးနေ့များ၊ သီတင်းကျွတ်ကဲ့သို့ အခါကြီးရက်ကြီးများ။ စာမေးပွဲများ၊ အွန်လိုင်းကနေတဆင့် အစည်းအဝေးခေါ်ဆိုမှုများ အစရှိသော အရေးကြီး တစ်နေ့တာလုပ်ဆောင်ရန်အချက်အလက်များနှင့် သတိပေးချက်များဖြစ်သည်။ Viber ၏ လုပ်ဆောင်ချက်အသစ်ဖြစ်သည့် My Notes သည် အသုံးပြုသူများ၏ လုပ်ဖော်ကိုင်ဖက်များ၊ မိသားစုဝင်များနှင့် သူငယ်ချင်းများ ထံသို့ စာတိုပေးပို့မှုပြုလုပ်သည့် ပလက်ဖောင်းများနှင့်အတူ တည်ရှိပြီး ယခုကဲ့သို့ အခက်အခဲများ ကျော်ဖြတ်နေချိန်တွင် အသုံးပြုသူများအတွက် အဆင်ပြေလွယ်ကူစွာ တစ်နေ့တာလုပ်ဆောင်ချက်များအပြင် ရက်စွဲများနှင့် အဆက်မပြတ်စေရန် ထောက်အကူပြုသည့် လုပ်ဆောင်ချက်ဖြစ်သည်။

အသုံးပြုသူများအနေဖြင့် My Notes ပလက်ဖောင်းထဲတွင်ရေးထားသည့် မည်သည့်မက်ဆေ့ချ်ကိုမဆို အချိန်အတန်ကြာ ဖိနှိပ်ထားပြီး “Set Reminder” အားရွေးချယ်နိုင်သည်။ ဆက်လက်ပြီး သတိပေးချက်ရယူလိုသည့် အချိန်နှင့် ရက်စွဲအား ရွေးချယ်လို့ရမည်ဖြစ်ပြီး ထိုသတိပေးချက်အား ထပ်ခါတစ်လဲလဲပေါ်စေသည့် လုပ်ဆောင်ချက်ကိုလဲ ရွေးချယ်နိုင်မည်ဖြစ်သည်။ ရွေးချယ်ပြီးလျှင် ထိုသတိပေးချက်မှာ ရွေးချယ်ထားသည့် အချိန်နှင့် ရက်စွဲတွင် ဖုန်းပေါ်၌ပေါ်လာမည်ဖြစ်သည်။ ဤလုပ်ဆောင်ချက်သည် My Notes ၏ များစွာသော လုပ်ဆောင်ချက်များထဲမှ တစ်ခုဖြစ်သည်။ အခြားလုပ်ဆောင်ချက်များမှာ

● အလုပ်များ၊ ဖြစ်ရပ်များနှင့် အသုံးပြုသူများမှတ်ထားချင်သည့် အခြားအရာများ မှတ်ထားနိုင်ခြင်း

● ပြီးသွားသောလုပ်ဆောင်ချက်များအား “လုပ်ပြီးပြီ” ဟု မှတ်သားနိုင်ပြီး ဖျောက်ဖျက်လိုက်နိုင်ခြင်း

● မှတ်ထားသော မှတ်ချက်များအား အခြားသူများနှင့် စကားပြောထားသော chat များထံသို့ forward ပြုလုပ်နိုင်ခြင်းနှင့် chat များမှ မက်ဆေ့ချ်များအား My Notes သို့ forward ပြုလုပ်နိုင်ခြင်း။ ထိုသို့ forward ပြုလုပ်ရာတွင်လည်း မည်သည့် chat မှ forward ပြုလုပ်ခဲ့သည်ဆိုသည့် အချက်အလက်အား မြင်တွေ့နိုင်ခြင်း။

Rakuten Viber ၏ CGO ဖြစ်သူ Anna Znamenskayal မှ “အသုံးပြုသူတွေက သူတို့ရဲ့ ဘဝတွေကို ကောင်းမွန်စွာ စီမံခန့်ခွဲနိုင်ဖို့နဲ့ မိနစ်ပိုင်းအတွင်းမှာ ဖြစ်ပျက်လာတဲ့ အပြောင်းအလဲ အမှန်တရားတွေကို မြန်မြန်ဆန်ဆန်နဲ့ လက်ခံနိုင်ဖို့ လိုအပ်နေတာကို ကျွန်မတို့အနေနဲ့ တွေ့ရှိရပါတယ်။ ဒါကြောင့်လဲ Viber ကနေ ဝမ်းသာစွာနဲ့ပဲ အသုံးပြုသူတွေအတွက် လုံချုံစိတ်ချစွာ မက်ဆေ့ချ်ပို့တာတွေရော မှတ်ချက်မှတ်တာတွေရော app တစ်ခုထဲမှာလုပ်ဆောင်နိုင်အောင် ဒီလုပ်ဆောင်ချက်အသစ်ကို မိတ်ဆက်ပေးလိုက်တာပဲဖြစ်ပါတယ်။” ဟု ပြောကြားခဲ့ပါသည်။

Rakuten Viber အကြောင်း

Rakuten Viber သည် မည်သူမဆို၊ မည်သည့်နေရာမှပင်ဖြစ်စေ လူအများအား ဆက်သွယ် ချိတ်ဆက် ပေးလျက်ရှိပါတယ်။ Viber ၏ကမ္ဘာအရပ်ရပ်မှ သုံးစွဲသူများ အနေနှင့် များပြားလှစွာသော လုပ်ဆောင်ချက်များဖြစ်သည့် တစ်ဦးချင်း ချိတ်ဆက်ပြောဆိုခြင်း(one-on-one chats)၊ ဗီဒီယို ခေါ်ဆိုမှုများ ပြုလုပ်ခြင်း (video calls)၊ အဖွဲ့လိုက် မက်ဆေ့ချ်များပေးပို့ခြင်း (group messaging) သို့မဟုတ် ၎င်းတို့ ကြိုက်နှစ်သက်သော ကုန်ပစ္စည်းအမှတ်တံဆိပ်များ၊ အနုပညာရှင်များဖြင့် ဆွေးနွေး စကားပြောခြင်းတို့ကို လုပ်ဆောင်နိုင်ပါတယ်။ Viber သည်သုံးစွဲသူများအားလုံးအတွက် ၎င်းတို့၏ စိတ်ခံစားချက်များကို မျှဝေနိုင်ရန် စိတ်ချရပြီး လွတ်လပ်သော ပတ်ဝန်းကျင်ကို ပေးစွမ်းလျှက် ရှိပါတယ်။

Rakuten Viber သည် e-commerce နှင့် ငွေကြေးဝန်ဆောင်မှုကဏ္ဍများတွင် ကမ္ဘာ့ဦးဆောင်သူ တစ်ဦး ဖြစ်သည့် Rakuten Inc. ၏တစ်စိတ်တစ်ပိုင်းဖြစ်ပါတယ်။ Viber သည် FC Barcelona ၏ တရားဝင် ဆက်သွယ်ရေး မိတ်ဖက်ဖြစ်သည့် အပြင် Golden State Warriors ၏ တရားဝင် အချိန်နှင့် တစ်ပြေးညီ စာတိုပေးပို့နိုင်သော၊ ဖုန်းခေါ်ဆိုနိုင်သော အက်ပလီကေးရှင်း မိတ်ဖက် တစ်ဦးလည်းဖြစ်ပါတယ်။ ယနေ့ပင် Viber အား အသုံးပြုပြီး ကမ္ဘာ့အကောင်းဆုံး ဆက်သွယ်ရေးအတွေ့အကြုံများကို ခံစားရယူနိုင်ပြီ ဖြစ်ပါတယ်။